Zbardhet raporti i Von der Leyen, vlerëson Shqipërinë për mbylljen e tre kapitujve të parë negociues

Publikimi i raportit vjetor të Presidentes së Komisionit Evropian, Ursula von der Leyen, sjell dritë mbi ecurinë e zgjerimit të Bashkimit Evropian. Pjesë të rëndësishme të dokumentit, të siguruara nga Klan News, tregojnë vlerësimin e veçantë për Shqipërinë.

Në draftin e fjalimit, udhëheqësja europiane thekson arritjen e vendit tonë gjatë muajit korrik. “Negociatat me Ballkanin Perëndimor kanë parë përparim. Veçanërisht, Shqipëria shënoi një moment të rëndësishëm duke mbyllur tre kapitujt e parë negociues”, shkruhet në tekst. Ajo vë në dukje se Mali i Zi mbetet më i avancuari në këtë proces.

Sipas dokumentit, zgjerimi vlerësohet si projekti më i suksesshëm i BE-së. “Në një botë më të rrezikshme, siguria jonë varet nga fqinjët tanë. Politika e zgjerimit është domosdoshmëri strategjike”, citohet von der Leyen. Ajo shton se popujt e rajonit, së bashku me ato të Ukrainës, Moldavisë dhe Gjeorgjisë, e shohin të ardhmen brenda BE-së.

Përveç negociatave klasike, raporti identifikon edhe një rrugë tjetër integrimi. “Ne udhëheqim investimet dhe reformat përmes planeve të veçanta. Jemi duke forcuar lidhjet energjetike, të transportit dhe bashkëpunimin në siguri”, thuhet më tej. Për të tretin vit radhazi, mekanizmat e sundimit të ligjit të BE-së përfshijnë edhe vlerësimin për Shqipërinë, Malin e Zi, Maqedoninë e Veriut dhe Serbinë.

Hapa të tjera konkrete përfshijnë integrimin e këtyre vendeve në Zonën e Pagesave në Euro (SEPA). Gjithashtu, Moldavia dhe Ukraina iu bashkuan zonës së roamingut më 1 janar. Këshilli ka mandate që të negociojë marrëveshje të ngjashme edhe me gjashtë partnerët e Ballkanit Perëndimor. Qëllimi është që udhëtarët midis BE-së dhe rajonit të përdorin shërbimet celularë me tarifat e shtëpisë.

Përfundimisht, vëmendja e Komisionit Evropian deri më 30 shtator do të përqendrohet në propozimet për thjeshtëzimin e procesit integrues. Kjo përfshirë rrugën e integrimit gradual dhe heqjen e votimit me unanimitet, i cili ka kri pengesa historike.