VIDEO/ Protestuesit i vënë flakën katit të parë të godinës së Gjykatës së Lartë! Përfshihet nga zjarri edhe një automjet

Kati i parë i Gjykatës së Lartë është përfshirë nga flakët pas veprimeve të protestuesve. Zjarri ka shpërthyer në një ambient ngjitur me godinën dhe është përhapur me shpejtësi në pak minuta.

Sirena e alarmit dëgjohet pa ndërprerje, ndërsa tymi ka mbuluar pjesën e poshtme të ndërtesës. Mësohet se edhe dhoma të tjera në të njëjtin kat janë kapur nga zjarri.

Nga flakët është prekur edhe një automjet i parkuar pranë godinës, i cili më pas ka shpërthyer. Në vendngjarje mbërritën ekipet zjarrfikëse. Pas ndërhyrjes së tyre vatra u vu nën kontroll.