Video/ Manaj nuk ndalet së shënuari, goli i radhës vjen në prag të Kombëtares

Rey Manaj shton një gol tjetër me Sivassporin në prag të ndeshjeve të nëntorit të Shqipërisë

Sulmuesi kuqezi po tregon formë të shkëlqyer në Turqi dhe do të bashkohet shumë shpejt me Shqipërinë për ndeshjet e nëntorit.

Rey Manaj mbetet protagonist te Sivasspori. Ai shënoi sërish në përballjen me Vansporin, duke dërguar një sinjal të mirë para grumbullimit me kuqezinjtë.

Në kampionatin turk, sulmuesi ka 10 gola dhe 2 asistime në 13 ndeshje deri tani. Kjo shifër dëshmon momentin e mirë të tij, ndërsa pritet të jetë një nga armët kryesore të Shqipërisë në sfidat e nëntorit.

Grumbullimi i Kombëtares fillon të dielën dhe Manaj do të vijë me moral të lartë pas golit të fundit me klubin. Trajneri shpreson që forma e tij në Turqi të ndihmojë edhe Shqipërinë.