VIDEO-LAJM/ Klevis Balliu nuk arrin dot të mohojë a e kanë hedhur në Lanë

Deputeti i Partisë Demokratike, Klevis Balliu, iu shmang mbrëmjen e djeshme në emisionin "Top Story" pyetjes së drejtpërdrejtë nëse ishte ai personi i parë në videon pranë lumit të Lanës.

Paneli i studios e pyeti në mënyrë të përsëritur. Bëhej fjalë për momentin kur ai u kundërshtua dhe u sulmua nga një grup protestuesish që nuk e donin në mesin e tyre.

Për tensionet gjatë protestës dhe pamjet e regjistruara pranë Lanës, Balliu fajësoi Policinë e Shtetit dhe strukturat Operacionale. Ai akuzoi edhe segmente politike rivale. Në shënjestër ishte edhe kreu i grupit parlamentar të PS-së, Taulant Balla, të cilin e fyeu gjatë debatit.

Edhe pse nuk dha një mohim të qartë, shmangia e vazhdueshme ndaj pyetjeve të moderatores dhe të ftuarve la të kuptohej e kundërta. Pamjet tregojnë një person që kalon Lanën me vrap, i lagur dhe në gjendje frike, i cili sipas videos rezulton të jetë vetë Balliu.