VIDEO/ Çfarë mbrëmje për Anis Mehmetin, i shënon Arsenalit në ndeshjen e parë si titullar këtë sezon dhe i jep ‘mesazh’ trajnerit!

Pritja e gjatë e Anis Mehmetit më në fund ka përfunduar.

Mesfushori i kombëtares shqiptare u hodh në fushë si titullar për herë të parë këtë sezon, në raundin e 1/16 të finaleve të Kupës së Ligës. Kundërshtari ishte fituesi i Premier Ligës, Arsenali, dhe megjithëse skuadra e tij, Ipswich, u eliminua, Mehmeti la shenjë të pashlyeshme.

Lojtari 25-vjeçar, që kishte qëndruar jashtë formacionit në ndeshjet e para të kampionatit, u ngarkua me përgjegjësi nga trajneri për ballë me “Topçinjve” e Londrës. Ai u përgjigj në mënyrën më të mirë të mundshme.

Në pjesën e dytë, mesfushori arriti të realizojë golin e tij të parë në duel, duke i treguar stafit teknik se mundësia që iu dha nuk ishte e rastësishme. Goli erdhi si një mesazh i fortë për trajnerin, i cili kishte vendosur ta linte jashtë gjatë kësaj periudhe.

Edhe pse goli nuk mjaftoi për kualifikim, ai ka rëndësi të madhe për karrierën e Mehmetit. Me shumë gjasa, kjo paraqitje do ta detyrojë trajnerin të rishqyrtojë vendimet e tij dhe t'i besojë minutat e nevojshme ndaj mesfushorit kuqezi në ndeshjet e ardhshme.