U arrestua se plagosi me drapër babanë e ish-bashkëjetueses, del para Gjykatës daja i deputetes Zegjine Çaushi

Ka mbërritur në Gjykatën e Fierit, Bledar Bakaj, 52 vjeç, i ndaluar tre ditë më parë si i dyshuar për dhunën ndaj 67-vjeçarit Erver Gremaj, në Suk të Roskovecit.

Bakaj do të dalë sot para trupit gjykues, të përbërë nga prokurorja Oljana Gjergjefi dhe gjyqtarja Bora Shaholli, ku do të vendoset masa e sigurisë ndaj tij.

Në Komisariatin e Fierit, 52-vjeçari ka mohuar akuzat, duke deklaruar se nuk ka abuzuar me 34-vjeçaren dhe se do të japë shpjegimet e tij në gjykatë.

Sipas të dhënave paraprake, rreth orës 22:30 të së dielës, Bakaj, daja i deputetes së PS-së, Zegjine Çaushi, ka shkuar në banesën e 67-vjeçarit në Suk dhe dyshohet se e ka goditur atë me drapër në këmbë.

Konflikti dyshohet se ka ndodhur pasi 52-vjeçari ka shkuar në banesën e ish-bashkëjetueses së tij, pavarësisht se ndaj tij ishte caktuar një urdhër mbrojtjeje nga gjykata.

Mbi Bledar Bakajn rëndojnë veprat penale “Plagosja e rëndë me dashje” dhe “Veprime në kundërshtim me vendimin e gjykatës”. Gjykata pritet të vendosë sot për masën e sigurisë ndaj tij.