Trump sinjalizon mundësinë e pezullimit të sulmeve ndaj Iranit në mungesë të provokimeve të reja!

Trump po shqyrton mundësinë e pezullimit të sulmeve kundër Iranit, nëse SHBA nuk përballen me provokime të reja nga Teheran ose rebelët Huthi në Jemen.

Lajmi bëhet i ditur nga disa burime të njohura me diskutimet brenda administratës amerikane.

Sipas tyre, Trump ua ka komunikuar këtë qëndrim këshilltarëve të tij të sigurisë kombëtare gjatë ditëve të fundit, pas sërë raportimeve të inteligjencës dhe konsultimeve mbi zhvillimin e konfliktit në Lindjen e Mesme.

Presidenti amerikan nuk duket se ka marrë ende një vendim përfundimtar mbi strategjinë e do të marrë. Gjatë muajve të fundit, ai ka alternuar deklaratat për një përshkallëzim të mundshëm ushtarak me sinjale për uljen e tensioneve.

Në një intervistë për gazetarin Stephen A. Smith, Trump tha se ka marrë parasysh kërkesat e aleatëve rajonalë për të shmangur një luftë të plotë.

“Mund ta përfundoj menjëherë, por me kërkesë të kombeve që dua t’i mbroj, po e bëjmë pak më gjatë, pak më civilizueshëm”, shkroi ai.

Konflikti ka nxitur debate të forta në politikën amerikane, ndërsa lufta ka ndikuar në rritjen e çmimeve globale të energjisë dhe ka hasur kritika nga një pjesë e opinionit publik amerikan.

Një zyrtar i Shtëpisë së Bardhë deklaroi se presidenti mbetet autoriteti i vetëm për vendimet strategjike mbi konfliktin.

“Presidenti Trump është vendimmarrësi i vetëm dhe do të sigurojë që interesat e Amerikës të mbrohen. Vetëm ai e di se çfarë do të bëjë dhe kur do ta bëjë,” tha zyrtari.

Agjencitë amerikane të inteligjencës vlerësojnë se sanksionet ekonomike dhe presioni i vazhdueshëm ndaj Iranit po ndikojnë ndjeshëm në ekonominë e vendit dhe priten të rrisin trysninë ndaj Teheranit.

Pavarësisht diskutimeve për një frenim të operacioneve ushtarake, Pentagoni po ruan gatishmërinë për një përshkallëzim të mundshëm.

Burime amerikane bëjnë të ditur se një aeroplanmbajtëse e tretë pritet të dislokohet në Lindjen e Messe në ditët në vijim, duke forcuar praninë ushtarake amerikane në rajon.

Trump vazhdon të shqyrtojë opsione të ndryshme ushtarake, përfshirë mundësinë e goditjeve të reja ndaj objekteve bërthamore iraniane. Megartësisht, vlerësimet e inteligjencës amerikane sugjerojnë se sulme të tjera mund të mos sjellin ndryshime të rëndësishme në qëndrimet e Iranit në negociata.

Zyrtarë izraelitë vijojnë t’i bëjnë presion administratës amerikane për të mbështetur një fushatë të re ushtarake kundër Iranit.

Në një reagim në rrjetet sociale, Trump tha se SHBA-ja ka arritur tashmë objektiva të rëndësishëkë strategjikë dhe minimizoi rëndësinë e një marrëveshjeje të re me Teheranin.

“Nuk kemi nevojë për një marrëveshje me Iranin. Kemi paratë e tyre, qindra miliarda dollarë, dhe kemi Ngushticën e tyre”, shkroi ai.