Trump përshëndet arrestimin e pesë të dyshuarve pranë bazës ushtarake britanike: Fantastike, po përgatiteshin të shkaktonin dëme të mëdha

Presidenti amerikan Donald Trump ka përshëndetur arrestimin e pesë personave në Britani, duke e cilësuar operacionin si “fantastik” dhe duke thënë se të dyshuarit po përgatiteshin të shkaktonin dëme të mëdha.

Trump foli shkurt me gazetarët në Illinois, para se të nisej drejt Medinah Country Club për të ndjekur President’s Cup. Duke komentuar arrestimet, presidenti amerikan tha se autoritetet amerikane dhe britanike kishin bashkëpunuar për një kohë të gjatë në monitorimin e të dyshuarve.

“Ne i kemi mbajtur nën vëzhgim për një kohë të gjatë dhe i kapëm”, tha Trump, pa dhënë detaje të tjera mbi natyrën e kërcënimit apo objektivin e dyshuar.

Pesë të arrestuar pranë bazës ajrore britanike – hetohen për përgatitje të aktit terrorist

Ai vlerësoi veçanërisht bashkëpunimin mes Uashingtonit dhe Londrës, duke thënë se puna e përbashkët e dy vendeve “doli shumë mirë”, transmeton ABC24.AL.

Komentet e Trumpit vijnë pas arrestimit të pesë burrave nga autoritetet britanike, në një operacion që ka tërhequr vëmendje të madhe për shkak të dyshimeve se ata mund të ishin përfshirë në përgatitjen e një akti të rëndë.

Presidenti amerikan nuk specifikoi se çfarë lloj dëmi, sipas tij, synonin të shkaktonin të dyshuarit, ndërsa hetimet e autoriteteve britanike vijojnë për të përcaktuar rrethanat dhe motivet e tyre.

Trump u largua më pas për në President’s Cup, duke mos dhënë informacione të tjera për operacionin apo për bashkëpunimin e agjencive amerikane me autoritetet britanike. /ABC24.AL/