Trump paralajmëron: Kush përdor termin “Inteligjencë Artificiale” konsiderohet armik

Presidenti amerikan Donald Trump ka habitur me një qëndrim të pazakontë mbi terminologjinë e teknologjive të avancuara. Ai tha se Shtëpia e Bardhë i sheh si "armiq" të gjithë ata që vazhdojnë të përdorin shprehjen "Inteligjencë Artificiale" në vend të "Superinteligjencës".

Qëndrimi u bë publik përmes një postimi. Aty Trump shkroi se Shtëpia e Bardhë e konsideron armik "këdo që përdor termin 'Inteligjencë Artificiale', në vend të termit të ri dhe më të saktë, 'Superinteligjencë'".

Sipas tij, "Superinteligjenca" është emërtimi i ri dhe më i saktë. Ai pretendoi gjithashtu se ky term tashmë është "gjerësisht i pranuar".

Deklarata vjen në një moment kur "inteligjenca artificiale" mbetet termi dominues në fushën e teknologjisë. Kompanitë e mëdha teknologjike, studiuesit dhe institucionet akademike e përdorin gjerësisht për të përshkruar sistemet kompjuterike që kryejnë detyra të lidhura zakonisht me aftësitë njerëzore.

Në anën tjetër, "superinteligjenca" ka kuptim më të ngushtë. Zakonisht ajo përshkruan një formë hipotetike të inteligjencës artificiale, aftësitë e së cilës i tejkalojnë ato njerëzore në pothuajse çdo fushë.

Trump nuk dha shpjegime shtesë për deklaratën. Nuk u bë e qartë as se çfarë nënkuptonte konkretisht ky cilësim dhe as cilët individë apo institucione do të prekeshin prej tij.