Trajneri i Genoas e tepron me talentin e Shqipërisë, Mario Mitaj nuk po luan një minutë në Serie A -

Trajneri i Genoas, De Rossi, po shkakton habi me vendimet e tij ndaj mbrojtësit shqiptar Mario Mitaj. Futbollisti nuk ka luajtur asnjë minutë në tre ndeshjet e para të kampionatit italian të Serie A.

Edhe në takimin e sotëm kundër Frosinones, i cili u mbyll me disfatën 0-1 të skuadrës së tij, trajneri nuk i dha asnjë shans Mitajt. Ky mungim aktivizimi bie në kontrast të plotë me periudhën parasezonale. Para transferimit nga Al Ittihad, shqiptari kishte luajtur si titullar në çdo ndeshje miqësore të zhvilluar.

Situata duket gjithnjë e më e paqartë për të riun, i cili pavarësisht përfshirjes në planet e klubit gjatë verës, po ndjek ndeshjet e ligës nga stoli. Edhe pse sfida me Frosinonen ishte një mundësi e mirë për ta futur në lojë, De Rossi zgjodhi të mos e përdorte.