Tragjedi e përgjakshme në Lindjen e Mesme, masakër me 10 të vrarë gjatë një ceremonie mortore në një kishë në Jordani

Lindja e Mesme përballet me një valë të re dhune. Raportimet flasin për të paktën 10 viktima nga të shtënat me armë zjarri në një kishë në jug të Jordanisë. Në të njëjtën kohë, dy ushtarë izraelitë humbën jetën gjatë një shkëmbimi zjarri pranë Hebronit, në Bregun Perëndimor.

Zhvillimet shkaktuan reagime të forta nga drejtuesit izraelitë. Në zonë, ndërkohë, janë vendosur masa të reja sigurie.

Sipas mediave lokale, sulmi me armë ndodhi në kishën Hamud. Bëhet fjalë për një kishë në guvernatoratin e Karakut, në jug të vendit. Dyshohet se dy persona të armatosur hapën zjarr drejt të pranishmëve gjatë një ceremonie funerali. Motivi i ngjarjes nuk dihet ende.

Menjëherë pas sulmit, autoritetet nisën një operacion të gjerë. Qëllimi është identifikimi dhe kapja e personave përgjegjës. Rrethanat e plota të masakrës mbeten për t'u sqaruar.