Teuta merr fitoren e 3-të në Superiore, Tetova i merr kreun ish-ekipit -

Teuta regjistron fitoren e tretë këtë sezon në Superiore, duke mposhtur Vorën me rezultatin 2-0. Një sukses që i dha bregdetarëve tre pikët e plota dhe e ngjit drejtues të përkohshëm të kampionatit.

Pjesa e parë e takimit u mbyll pa gola. Vetëm në minutën e 47-të, pas rifillimit të lojës, Mesoma Umejiego zhbllokoi shifrat për ekipin e tij. Goli i sigurisë erdhi shumë von, në minutën e 90-të, kur Pedro Martelo tundi rrjetën për të vendosur rezultatin përfundimtar.

Me këtë triumf, Teuta udhëheq përkohësisht renditjen në "Ahmet Xhafa Superiore" me 10 pikë. Trajneri Eglantin Gjushi sheh ekipin e tij të marrë kreun provizor, që i takonte deri dje ish-skuadrës së tij, Egnatias. Rrogozhinasit, megjithatë, kanë ende një ndeshje për të luajtur nga kjo javë, çka mund të ndryshojë situatën në krye.