“Territorialja”, Braçe bën deklaratën e fortë: Vendimi më i vështirë në 30 vite, ose do rri ose do iki!

Reforma Territoriale, Braçe: E enjtja më e vështirë në 30 vite, duhet të zgjedh mes betejës dhe largimit

Deputeti socialist Erion Braçe ka ndarë qëndrimin e tij mbi Reformën Territoriale. Ai foli në një lidhje direkte nga ambientet jashtë Kuvendit. Intervista u dha në programin “Now” të gazetares Erla Mëhilli në Euronews Albania.

Ai e cilësoi këtë të enjte si më të rëndën gjatë tre dekadave në politikë. Sot, sipas tij, ndodhet përpara një zgjedhjeje vendimtare.

Në fjalën e tij, Braçe tha se duhet të vendosë. Ai duhet të zgjedhë mes vijimit të betejës politike dhe largimit përfundimtar.

“Jo se nuk e kam ndarë ende mendjen, por sot Erla e besoj se edhe ti e di, që është dita më e vështirë e 30 viteve të mia.

Se duhet të zgjedh, po them sepse duhet të zgjedh, të vijoj të luftoj apo të iki. Erla jam munduar edhe në intervistë me ty të shpjegoj që PS është partia ime dhe jo e atyre që më kanë gjetur në Parti”, tha ai.