Të droguar në protestë? Tensionet e mbrëmshme në bulevard, 1 i arrestuar dhe 14 nën akuzë, bllokuan rrugën! Tre prej tyre iu gjet edhe hashash nëpër xhepa

Gjatë protestës së djeshme në bulevardin kryesor të Tiranës, policia shoqëroi 15 individë për veprime të kundërligjshme. Midis tyre, një person u ndalua zyrtarisht, ndërsa pjesa tjetër u lirua me procedim të mëtejshëm në gjendje të lirë.

Aktakuza të cilat do të ngrihen ndaj tyre përfshijnë organizim të tubimit të paligjshëm, bllokim të rrugëve publike si dhe shkaktim të trazirave që cenuan rendin dhe qetësinë e qytetarëve. Ngjarja u regjistrua në mbrëmjen e së enjtes, në ditën e 101 të protestave.

Një veçanti e këtij rasti është se ndaj tre prej të shoqëruarve po hetohet edhe për posedim droge. Gjatë kontrollit personal, shërbimet iu gjetën sasi të vogla substancash narkotike, konkretisht hashash, brenda xhepeve të veshjeve të tyre.