Sydney Sweeney mahnit në Venecia me fustan me xixa, shfaqet krah të dashurit Scooter Braun

Sydney Sweeney bie në sy në ngjarjen e Armani Beauty në Venecia, e veshur me një fustan të guximshëm plot xixa.

Aktorja 28-vjeçare ndodhet në qytetin italian për Festivalin e Filmit dhe zgjodhi këtë veshje që i theksoi format trupore.

Ajo u shfaq e shoqëruar nga i dashuri i saj, menaxheri i muzikës Scooter Braun, 45 vjeç. SipasDailyMail, çifti u fotografua duke u mbajtur përdore gjatë mbrëmjes, teksa Braun kishte veshur një kostum elegant.

Gjithashtu në festë ishte edhe modelja Kendall Jenner. Ajo u paraqit me një kombinim të thjeshtë: një bluzë të bardhë, një fund të zi me teksturë dhe taka të zeza me rripa.

Jenner kishte tërhequr vëmendjen edhe më herët në Venecia, kur mbante veshur një fustan të artë nga Armani në tapetin e kuq.

Ndërsa Sweeney dhe Braun shijuan momente romantike gjatë qëndrimit në qytet, duke u fotografuar më herët gjatë ditës në një gondolë, ku shkëmbyen edhe një puthje.

Marrëdhënia e tyre ka nisur vitin e kaluar. Sweeney kishte dhënë fund fejesës me Jonathan Davino, ndërsa Braun ishte i martuar më parë me Yael Cohen, me të cilën ka tre fëmijë.