ABC24.al është gazeta dixhitale shqiptare që ofron lajme të besueshme, analiza të thelluara dhe reportazhe ekskluzive 24 orë në ditë.
Ministri i Mjedisit, Sofjan Jaupaj, ka deklaruar se projekti për zonën Pishë Poro–Nartë, ku përfshihet edhe zona e Zvërnecit, do

Ministri i Mjedisit, Sofjan Jaupaj, konfirmon se projekti për zonën Pishë Poro–Nartë, aty ku bën pjesë edhe Zvërneci, do të kalojë në një vlerësim të thelluar mjedisor. Lajmin ai e dha në një intervistë për “News Line”.
Sipas tij, vendimi përkatës është marrë shumë më herët nga sa mund të mendohet. Agjencia Kombëtare e Mjedisit e zyrtarizoi atë më 15 maj, duke përcaktuar njëkohësisht 15 kushte që duhet të plotësohen gjatë studimit mjedisor.
Jaupaj shtoi se projekti do të kalojë edhe në konsultim publik. Ai nuk la pa përmendur as ligjin e zonave të mbrojtura, për të cilin tha se diskutimet mes Shqipërisë dhe Komisionit Evropian vijojnë, me synim përmbylljen e tyre brenda vitit 2027.
“Në 15 maj të këtij viti, kohë përpara se të zhvilloheshin protestat, Agjencia Kombëtare e Mjedisit ka nxjerrë vendimin që i gjithë projekti për Pishë Poro – Nartë të kalojë në një vlerësim të thelluar. Duhet thënë që në krye të herës institucionet mjedisore kanë qenë në krye të detyrës, për të kërkuar një studim mjedisor. Ky vendim ka vendosur 15 kushte që duhet të plotësohen në studimin mjedisor.
Në momentin që ky studim mjedisor do të vijë, është një proces që do të kalojë edhe konsultimin publik, edhe në zonën e Zvërnecit. Ministria e Mjedisit është vendimtare për këtë investim në zonat e mbrojtura. Ligji i zonave të mbrojtura është në diskutim me KE-në, si pjesë e pikave të ndërmjetme.
Është një punë në proces, ekspertët janë në komunikime intensive për ligjin e zonave të mbrojtura. Brenda vitit 2027 shpresojmë që t’i kemi mbyllur edhe këto diskutime”, tha ministri Jaupaj për ABC News.
Shkruar nga
Redaksia ABC24
Artikujt e firmosur "Redaksia ABC24" përgatiten nga desku qendror i lajmeve — ekipi që mbulon lajmet 24 orë në 7 ditë. Sinjalet e lexuesve, lajmet e minutës së fundit dhe kërkesat për korrigjim kalojnë të gjitha nga kjo tryezë redaksie, ku çdo tekst rishikohet kolektivisht para publikimit.
Diskutimi
Komentet miratohen nga redaksia para se të shfaqen.