Skandali në Premier League, tekniku Maresca mbron Manchester City pas dënimit: Kam besim te klubi im, nuk është “Calciopoli”

Enzo Maresca ka dalë në mbrojtje të Manchester City-t pas dënimit për shkelje financiare. Tekniku italian tha se beson plotësisht te klubi dhe se çështja do të mbyllet pozitivisht.

Reagimi erdhi në daljen e tij të parë për mediat pas vendimit të komisionit të pavarur të Premier League. Ai organ e shpalli City-n fajtor për një sërë shkeljesh të rregullave financiare. Vetë klubi e ka ankimuar tashmë vendimin.

Në konferencën për shtyp, Maresca u tregua i qartë për pozicionin e tij. Ai theksoi se procesi është ende duke vazhduar.

“E vetmja gjë që mund të them është se ka një procedim që po bëhet dhe kam shumë besim te klubi. Besoj te njerëzit, prandaj kam ardhur këtu. Kemi të gjithë besim dhe momenti i duhur për të folur mendoj se do të jetë kur ta fitojmë rekursin,” ka theksuar Maresca në konferencë shtypi. “Tani nuk ka sens të flasim, sepse nuk kam shumë informacion.”

I pyetur për paralele me “Calciopolin”, trajneri i cilësoi dy rastet si të ndryshëm. Ai shtoi se edhe atëherë vëmendja e tij kishte qenë vetëm te fusha. Mesazhi për skuadrën tani është i njëjtë.

“Është një situatë ndryshe, por edhe në atë kohë vëmendja ime ishte te fusha. Prandaj them se lojtarët duhet të mendojnë si të stërviten, si të përmirësohen dhe të përqendrohen te ndeshjet. Janë situata të ndryshme. Detyra jonë është të fitojmë ndeshjet,” u shpreh ai.

Maresca komentoi edhe mbështetjen e Pep Guardiolës. Për të, një vizitë e ish-trajnerit të City-t do të ishte e mirëpritur në çdo kohë.

“Mbështetja e Guardiolës? Është gjithmonë kënaqësi. Pas 10 vitesh mund të vijë kur të dojë. Jo vetëm për një ndeshje, por edhe në stërvitje, në çdo moment. Do të jetë mirë për tifozët, për të gjithë”, përfundoi tekniku.