Skandal në Fier / Arrestohet në flagrancë këngëtari, akuzohet se përndiqte vajzat e mitura

Efektivët e Policisë së Fierit kanë arrestuar me urgjencë këngëtarin e njohur fierak Erind Xhaferi.

Prangosja në flagrancë u realizua pas një informacioni operativ dhe denoncimit të drejtpërdrejtë të vajzave të mitura.

Burime zyrtare bëjnë me dije se i riu dyshohet për përndjekje të vazhdueshme ndaj të miturave. Ndaj tij rëndon edhe akuza për kryerje të veprimeve të turpshme.

Një telefonatë e vajzave në sallën operative alarmoi strukturat. Policia reagoi pa vonesë dhe organizoi ndërhyrjen në terren.

Forcat në terren bënë të mundur kapjen e këngëtarit. Ai u shoqërua më pas në ambientet e Drejtorisë Vendore të Policisë Fier.

Akuza ndaj Xhaferit është ngritur në bazë të nenit 108 të Kodit Penal. Bëhet fjalë për veprën penale “Vepra të turpshme”.

Materialet hetimore i janë përcjellë Prokurorisë pranë Gjykatës së Shkallës së Parë Fier. Pritet zbardhja e plotë e rrethanave të këtij skandali.