“Situata u vu nën kontroll, s’ka rrezik për banorët”- Rama reagon për zjarret në Himarë dhe Fier: Kaluan natë të vështirë, do bëhet vlerësimi i dëmeve!

Kryeministri Edi Rama ka ndarë një informacion më të fundit lidhur me flakët që përfshinë disa zona në Fier dhe Himarë. Sipas tij, gjendja aktuale është vënë nën kontroll dhe nuk paraqet më rrezik për popullsinë.

"Ka qenë një natë e vështirë për Himarën dhe Fierin. Tani situata kontrollohet plotësisht dhe rreziku për banorët apo shtëpitë është shmangur", u shpreh Rama përmes një postimi në rrjetet sociale.

Kreu i qeverisë theksoi se ekipet përkatëse janë ende në terren. Ato po vijojnë me monitorimin e vendit dhe me identifikimin e dëmeve të shkaktuara nga zjarri. Gjithashtu, po evidentohen rastet ku banorët kanë nevojë për ndihmë menjëherë.

Zoti Rama shoqëroi deklaratën e tij me një galeri fotografish nga operacioni i forcave të emergjencës në zonat e prekura. Në fund, ai shtoi se Bashkia e Himarës do të mbajë përgjegjësinë për vlerësimin e plotë të pasojave.

"Vlerësimi i dëmeve do të kryhet nga Bashkia e Himarës. Do të shihen të gjitha dëmet dhe do të ndihmohen ata që kanë më shumë nevojë", përfundoi reagimin e tij Kryeministri.