Shqiptari plagoset me thikë pas përleshjes në dhomën e hotelit në Zvicër, arrestohen dy suedezët dhe slloveni

Një 24-vjeçar me origjinë nga Kosova është goditur me thikë brenda një hoteli në qytetin e Zyrihut në Zvicër. Për sulmin dyshohen tre persona, dy shtetas nga Suedia dhe një nga Sllovenia, të cilët tashmë janë arrestuar nga policia.

Sipas raportimeve të mediave, i riu ka pësuar lëndime në krah dhe në pjesën e sipërme të trupit, por gjendja e tij nuk konsiderohet serioze.

Dyshohet se konflikti ka nisur pas një përleshjeje brenda dhomës së hotelit, megjithatë motivi që e shkaktoi atë mbetet ende i paqartë. Përleshja më pas ka eskaluar deri në përdorimin e thikës.

Autoritetet kanë bërë të ditur se fillimisht është arrestuar njëri nga të dyshuarit, ndërsa dy të tjerët janë ndaluar më vonë. Të tre personat e ndaluar janë të moshave mes 20 dhe 33 vjeç.