“Shqipëria qëndron në krah të Arabisë Saudite”- Sulmi në Riad, reagon Rama: Huthët dhe sponsorët e tyre në Teheran të mbajnë përgjegjësi! S’ka justifikim

Rama reagon pas sulmit vdekjeprurës në Riad: Shqipëria në krah të Arabisë Saudite, Huthët dhe Teherani të mbajnë përgjegjësi

Kryeministri Edi Rama ka dënuar me tone të forta sulmet e rebelëve Huthi kundër Arabisë Saudite. Në fokus ishte edhe goditja vdekjeprurëse ndaj Aeroportit Ndërkombëtar King Khalid në Riad.

Reagimi u publikua në rrjetin social X. Aty kreu i qeverisë shprehu solidaritet të plotë me Mbretërinë e Arabisë Saudite dhe popullin e saj.

Ai përcolli ngushëllime të ndjera për familjet e viktimave. Po ashtu uroi shërim të shpejtë për të plagosurit.

Rama kërkoi llogaridhënie për autorët e sulmeve. Ai theksoi se këto akte duhet të ndalen menjëherë.

Më poshtë reagimi i plotë i kryeministrit në X:

“Shqipëria dënon me forcën më të madhe sulmet e Huthëve kundër Arabisë Saudite, përfshirë sulmin vdekjeprurës ndaj Aeroportit Ndërkombëtar King Khalid të Riadit.

Ne qëndrojmë fuqimisht në krah të Mbretërisë së Arabisë Saudite dhe popullit të saj. U shprehim ngushëllimet tona më të thella familjeve të viktimave dhe u urojmë shërim të shpejtë të gjithë të plagosurve.

Nuk mund të ketë asnjë justifikim për sulmet ndaj civilëve dhe infrastrukturës civile. Këto akte kërcënojnë paqen rajonale dhe sigurinë e korridoreve jetike të transportit ndërkombëtar.

Huthët dhe sponsorët e tyre të njohur të terrorizmit në Teheran duhet të mbajnë përgjegjësi. Komuniteti ndërkombëtar duhet të flasë me një zë të vetëm: këto sulme duhet të ndalen menjëherë”.