Shqipëria i jep vendin e parë si dhuratë, Armand Duka feston datëlindjen

Ditë feste për Armand Dukën, Shqipëria e mbyll muajin në krye të grupit

E sotmja shënon një ditë të veçantë për kreun e Federatës Shqiptare të Futbollit, Armand Duka, i cili feston ditëlindjen.

Urimi i parë publik i ka ardhur nga vetë institucioni që ai drejton prej vitesh, i cili e ka përcjellë mesazhin përmes faqes së tij zyrtare. Federata Shqiptare e Futbollit ka publikuar aty një dedikim kushtuar presidentit.

Gëzimi personal i Dukës përkon me një moment pozitiv për futbollin shqiptar. Vetëm një mbrëmje më parë Kombëtarja siguroi një fitore të rëndësishme, e cila pavarësisht mënyrës se si u arrit u prit me entuziazëm nga tifozët. Arsyeja është e qartë. Shqipëria e mbyll këtë muaj në vendin e parë në grup.

“Sot feston ditëlindjen Presidenti i Federatës Shqiptare të Futbollit, z. Armand Duka. Familja e madhe e futbollit shqiptar i përcjell Presidentit Duka urimet më të përzemërta për shëndet, mbarësi dhe çdo të mirë në jetë, si dhe për shumë suksese në drejtimin e futbollit shqiptar. Gëzuar ditëlindjen, President!”, thuhet në faqen zyrtare të Federatës. /ABC24.AL/