Shkodër/ Përshtatën dy banesa për kultivimin e drogës, arrestohen 2 persona

Policia e Shkodrës ka vënë në pranga dy persona të dyshuar se kishin përgatitur dy banesa siplantazhe kanabisi në mjedise të mbyllura. Operacioni çoi në arrestimin e shtetasve A. B., 28 vjeç, me banim në qytetin e Shkodrës, dhe S. B., 25 vjeç, nga fshati Zagorë.

Arrestimi u bë pasi të dyshuarit ishin shpallur në kërkim me urdhër të Prokurorisë pranë Gjykatës së Shkallës së Parë të Juridiksionit të Përgjithshëm Shkodër. Hetuesit ngarkojnë me akuza të rënda: prodhim dhe shitje narkotikësh, kultivim të bimëve narkotike, si dhe vjedhje energjie elektrike.

Hetimi zbardhi se aktiviteti kriminal ishte organizuar brenda dy ambienteve banimi në fshatin Barbullush. Ngjarja u zbulua në muajin janar të vitit 2026, gjatë një aksioni të koduar si “Neonët 5”. Autoritetet bënë me dije se në këto ambiente të përshtatura ishin instaluar llamba artificiale për rritjen e bimëve, teksa aktiviteti zhvillohej së bashku me persona të tjerë ende të paidentifikuar.