Rikthehen në GJKKO dosjet “e bujshme”, sot seancat për Berishën dhe Metën

Rikthehen në GJKKO dosjet “e bujshme” të Berishës dhe Metës

Sot rifillojnë seancat në Gjykatën e Posaçme për proceset penale të politikanëve të akuzuar nga SPAK.

Në orën 10:00 do të mbahet seanca e radhës në dosjen “Partizani”. Para gjykatës ndodhet ish-kryeministri Sali Berisha, i akuzuar për “korrupsion” të dyshuar, i lidhur me privatizimin e ish-kompleksit sportiv “Partizani”. Procedura është në fazën e dëgjimit të dëshmitarëve të kërkuar nga SPAK.

Gjatë ditës, në orën 13:00, do të paraqitet para Gjykatës së Posaçme ish-presidenti Ilir Meta. Ai gjykohet bashkë me ish-bashkëshorten, Monika Kryemadhi, për “korrupsion”, “pastrim të parave” dhe “fshehje e mosdeklarim të pasurisë”.

Më pas, në orën 15:45, GJKKO do të shqyrtojë kërkesën e Metës për lirim nga paraburgimi. Kryetari i Partisë Socialiste kërkon zëvendësimin e masës “arrest në burg”, ndaj të cilës ndodhet që nga tetori 2024.