Rama: Shqipëria nuk kthehet pas, askush dhe asgjë nuk do ta ndalë rrugën e ndryshimit

Rama i prerë për opozitën: Nuk ka dorëheqje, Shqipëria nuk kthehet pas

Kryeministri Edi Rama ka hedhur poshtë kërkesën e opozitës për largim nga detyra. Ai e bëri të qartë se dorëheqja nuk është opsion.

Qëndrimi u shpreh në një mesazh lidhur me çështjen e Vlora Hysenit. Aty kreu i qeverisë theksoi se rruga e nisur nuk do të ndalet. Sipas tij, vendi nuk bën më kthim pas.

Në fjalën e tij, Rama foli për ndryshimin e sistemit në raport me korrupsionin. Ai u shpreh se:

“Korrupsioni sot po përballet me një tjetër sistem, ku po zhvillohen organe që hetojnë dhe në liri dhe pavarësi të plotë. Deri dje korrupsion ishte sistemi, sot sistemi po lufton korrupsionin, ky është ndryshimi epokal. Vetëpastrimi i sistemit është zhvillim i shumëpritur organizimin e shtetit, pas një agonie të gjatë sa historia e shtetit shqiptar.

Pas një agonie të gjatë sa historia e shtetit shqiptar, organizmi i shtetit po fiton imunitet nga sëmundjet e vjetra dhe, kur kjo fazë e zhurmshme, e pistë dhe e dhimbshme të ketë kaluar, kur emrat, sekretet, jargët, shkrofëtimat dhe piskamat e tezgave mediatike të jenë fashitur, kur tymi i pasqyrave dixhitale të jetë shpërndarë dhe pluhurat e kantierit të Reformës në Drejtësi të jenë tretur, atëherë të gjithë do ta shohin se këto zhvillime janë pjesë jetike e ndryshimit rrënjësor pa kthim ku po ecën sot Shqipëria.

Sot unë jam kthyer në Shqipëri, por Shqipëria nuk kthehet pas.

Askush dhe asgjë nuk do ta ndalë, nuk do të na ndalë, nuk do të më ndalin”, tha Rama.