Rama publikon pamje nga punimet për “Urën e Re” të Bahçallëkut: Po merr formë hap pas hapi, investimi lehtëson lëvizjen në hyrje të Shkodrës

Rama ndan pamje nga kantieri i Urës së Re të Bahçallëkut: Vepra po merr formë dhe do të lehtësojë hyrjen për në Shkodër

Pamje nga ecuria e punimeve për Urën e Re të Bahçallëkut, në hyrje të Shkodrës, janë publikuar nga kryeministri Edi Rama. Kreu i qeverisë i ka ndarë ato në rrjetet sociale.

Ai thotë se vepra po konturohet gradualisht. Investimi, sipas tij, synon të lehtësojë qarkullimin në hyrje të qytetit.

“Me Urën e Re të Bahçallëkut që po merr formë hap pas hapi, një investim që do të lehtësojë lëvizjen në hyrje të Shkodrës, ju uroj një fundjavë të mbarë”, shkruan Rama në Facebook.

Projekti po realizohet paralelisht me urën ekzistuese. Ai është pjesë e ndërhyrjeve infrastrukturore në këtë aks rrugor.