Rama niset drejt Cernobbios, merr pjesë në Forumin “Intelligence on the World, Europe and Italy”

Kryeministri shqiptar Edi Rama ka udhëtuar drejt Italisë për të marrë pjesë në Forumin ndërkombëtar “Intelligence on the World, Europe and Italy”. Ky takim, i cili zhvillohet në qytetin e Cernobbios, mbledh udhëheqës politikë, përfaqësues institucionesh dhe figura të larta nga bota e biznesit nga e gjithë Evropa dhe më gjerë.

Edicioni i 52-të i këtij forumi i kushton vëmendje çështjeve gjeopolitike dhe ekonomike aktuale. Në diskutime do të trajtohet pozicioni i kontinentit evropian në arenën botërore, sfidat me të cilat përballet bashkësia ndërkombëtare, si dhe roli i rajonit të Detit Mesdhe në formimin e arkitekturës së re evropiane dhe globale.

Kryeministri Rama do të jetë pjesëmarrës në një nga panelet kryesore të forumit. Së bashku me shefin e qeverisë kroate, Andrej Plenković, i cili mban edhe postin e presidentit të iniciativës MED9, ata do të diskutojnë nën titullin “Agjenda për Evropën”. Diskutimi i tyre është pjesë e sesionit kushtuar Rajonit të Mesdheut. Mbledhja e këtij paneli do të drejtohet nga ish-kryeministri italian, Paolo Gentiloni.