Qofte me kungullesha, gati për vetëm 20 minuta

Kur koha nuk premton, por dëshira për diçka të shijshme mbetet, qoftet me kungulleshka janë një zgjidhje e zgjuar.

Receta kërkon vetëm 20 minuta. Shija befason. Korja del krokante, ndërsa brendësia mbetet e butë.

Për rreth tetë copë të vogla e të sheshta duhen 350 gramë kungulleshka të grira, një çerek luge çaji kripë, një vezë, 60 gramë miell tërshëre dhe gjysmë luge çaji pluhur qepe.

Recetës i shtohen edhe 100 gramë djathë Cheddar i grirë, pak piper i zi i sapobluar, një lugë gjelle qepë të njoma të grira hollë dhe një lugë gjelle vaj ulliri për skuqje.

Hidhni kungulleshkat e grira në një kullesë, hidhni kripën sipër dhe lërini të qëndrojnë rreth 10 minuta.

Pastaj shtrydhini fort me duar ose me një napë kuzhine, derisa të largoni sa më shumë lëng të tepërt.

Në një tas bashkoni kungulleshkat me vezën, miellin e tërshërës, pluhurin e qepës, djathin Cheddar, piperin dhe qepët e njoma.

Përziejini mirë dhe formoni me pëllëmbë rreth tetë qofte të vogla e të sheshta.

Nxehni vajin e ullirit në tigan mbi zjarr mesatar.

Skuqini qoftet 2 deri në 3 minuta për secilën anë, derisa të marrin ngjyrë të artë dhe sipërfaqja të bëhet krokante.

Shërbejini të ngrohta.

Shkojnë shumë mirë me salcën që preferoni.