Protestë para Bashkisë së Durrësit! Të rinjtë sulmojnë e shkatërrojnë Postën, Policia i ndjek dhe shoqëron shumë prej tyre

Tensionohet protesta para Bashkisë së Durrësit, policia shoqëron disa persona

Grumbullimi për protestën e pestë në nivel kombëtar ka nisur para Bashkisë së Durrësit. Qytetarët u mblodhën në sheshin përballë godinës në orët e para të tubimit.

Gjatë grumbullimit janë dëgjuar thirrje kundër drejtuesve politikë. Protestuesit brohoritën sloganet “Rama n’burg”, “Berisha n’burg” dhe “Rama, jep dorëheqjen”.

Situata u tensionua kur turma iu afrua kordonit të policisë. Efektivët ishin pozicionuar te hyrjet kryesore të Bashkisë për të garantuar perimetrin.

Më pas pati përpjekje për të hyrë në ambientet e Postës. Të rinjtë sulmuan objektin dhe shkaktuan dëmtime. Policia ndërhyri menjëherë me forca shtesë. Shumë prej protestuesve u ndoqën dhe u shoqëruan nga efektivët.