Protesta përshkallëzohet edhe në vandalizma, nën thirrjet “digje, digje” i vihet zjarri Ministrisë së Arsimit! Të rinjtë hipin mbi muret e godinës, shikoni pamjet (VIDEO)

Protesta para Ministrisë së Arsimit është përshkallëzuar këtë të mërkurë, 14 tetor, me incidente të reja dhe dëmtim të godinës së institucionit.

Siç shihet nga pamjet, disa protestues i kanë vënë flakën një pjese të Ministrisë së Arsimit, ndërsa të rinj të tjerë kanë hipur mbi muret rrethuese të godinës.

Situata para Ministrisë mbetet e tensionuar, me ndërhyrje të vazhdueshme të Policisë për të mbajtur nën kontroll protestuesit dhe për të parandaluar përshkallëzimin e mëtejshëm të incidenteve.

Dhunohet barbarisht me sende të forta ish-kreu i Zjarrfikëses së Mallakastrës! Identifikohen 2 autorët, Policia heton motivin

Një ngjarje e rëndë ka ndodhur mëngjesin e sotëm në Ballsh, ku Armand Aliaj, ish-drejtuesi i repartit zjarrfikës në Mallakastër, është dhunuar me sende të forta në lokalin e tij.

Sipas informacioneve paraprake, ndaj Aliajt kanë ushtruar dhunë fizike dy persona, të cilët ende nuk janë identifikuar. Si pasojë, ai ka pësuar dëmtime në pjesën e ballit.

Burime nga spitali bëjnë me dije se Aliaj ka marrë ndihmën e parë mjekësore dhe ka pasur nevojë për qepje të plagës. Më pas, ai është transportuar drejt Spitalit të Fierit për ekzaminime të mëtejshme. Gjendja e tij shëndetësore raportohet e qëndrueshme.

Për ngjarjen është njoftuar Komisariati i Policisë Mallakastër, ndërsa kanë nisur hetimet për zbardhjen e rrethanave dhe identifikimin e personave të dyshuar.

Deri në publikimin e këtij lajmi, policia nuk ka dhënë një njoftim zyrtar për ngjarjen. Ende nuk dihen motivet e dhunës dhe rrethanat e sulmit.