Protesta del jashtë kontrollit, policia mësyn me furgonë drejt protestuesve/ Protestuesi humb ndjenjat, efektivi i jep ndihmën e parë

Protesta tensionohet, policia ndërhyn me furgonë dhe një person merr ndihmën e parë në bulevard

Situata në protestë u tensionua ndjeshëm. Policia ndërhyri me forca të shtuara në bulevard, pasi kontrolli po humbiste.

Efektivë të shumtë u drejtuan drejt turmës së protestuesve. Operacioni u zhvillua me një numër të madh forcash në terren.

Në zonë u panë disa furgonë policie të mbushur me punonjës. Të tjerë efektivë mbanin shkopa gome në duar. Gjatë ndërhyrjes u kryen dhjetëra shoqërime.

Ndërkohë, në hapësirën e gjelbëruar mes Piramidës dhe Kryeministrisë u shënua një tjetër episod. Një burrë u pa në gjendje të rënduar shëndetësore.

Ndihma e parë iu dha menjëherë nga vetë efektivët e policisë.

E gjithë skena u zhvillua nën vështrimin e drejtorit të Policisë së Shtetit. Skender Hita ndodhej personalisht në bulevard në ato momente.