Portugalia i lutet Kristiano Ronaldos që mos ta mbyll me Kombëtaren, vendoset një takim me yllin e tyre

Portugalia kërkon pajtim me Ronaldon, pritet takim vendimtar javën e ardhshme

Federata Portugeze e Futbollit ka nisur përpjekjet për të ulur tensionet dhe për të rindërtuar urat e komunikimit me Cristiano Ronaldon. Lëvizja vjen pas largimit të bujshëm të sulmuesit nga grumbullimi i fundit i përfaqësueses luzitane.

Sipas raportimit të gazetës spanjolle MARCA, një takim mes palëve është parashikuar për javën e ardhshme. Biseda do të zhvillohet me pëlqimin e vetë Ronaldos.

Objektivi kryesor është gjetja e një zgjidhjeje që rikthen qetësinë. Në diskutim pritet të përfshihet edhe trajneri Jorge Jesus, për të harmonizuar qëndrimet e të gjithëve.

Drejtuesit e federatës nuk duan që rrugëtimi ndërkombëtar i kapitenit të mbyllet në këtë formë. Ata vlerësojnë se një nga figurat më të mëdha të historisë së futbollit portugez e meriton një lamtumirë dinjitoze, në lartësinë e arritjeve të tij.

Kriza e fundit ka ngritur pikëpyetje të mëdha për vazhdimësinë e Ronaldos me fanellën e Portugalisë. Megjithatë, institucioni shpreson që takimi i paralajmëruar të kthehet në një moment pajtimi.

Ideja është që situata të tejkalohet me respekt të ndërsjellë. Federata synon t'i ofrojë yllit mundësinë që kapitullin me kombëtaren ta mbyllë ashtu siç i takon një karriere legjendare.