Po peshkonte në Drinin e Zi, 31-vjeçari humb jetën pasi ra në kontakt me rrymën elektrike

Një rast tragjik ka prekur fshatin Sinë, në Njësinë Administrative Arras, të Bashkisë Dibër. Sot, shtetari E. K., 31 vjeçar, po peshkonte në lumin Drini i Zi, kur ka rënë në kontakt me rrymën elektrike. Për pasojë, i ri ka humbur jetën në vend.

Trupi i tij, i cili diktohet si i pajetë, po transportohet drejt një qendre për të kryer ekspertizën mjeko-ligjore.

Autoritetet janë në vendin e ndodhjes dhe vazhdojnë punën për të dokumentuar me përshtatshmëri të plotë çdo detaj të ngjarjes. Hetimi po avancohet për të sqaruar plotësisht rrjedhën e ngjarjeve.