Po ndihmojnë njëri-tjetrin të shënojnë, Muçi: Kam një kimi shumë të mirë me Salah -

Ernest Muçi ka gjetur një bashkëpunim shumë të frutshëm me yllin egjiptian Mohamed Salah në fushën e lojës. Mesfushori shqiptar e përshkroi atë si "një lojtar të shkëlqyer" me të cilin ka ndërtuar një lidhje të fortë në fushë.

Në ndeshjen e fundit, rolet e tyre u ndryshuan. Pas dy takimeve të kaluara ku Muçi ishte ai që krijonte rastet për sulmuesin, mbrëmjen e djeshme ishte Salah ai që shërbeu për të. Pas ndeshjes, 22-vjeçari foli për mediat duke zbuluar sekretin e suksesit të tyre të përbashkët.

"Kam një kimi shumë të mirë me të. Ne jemi vërtet një ekip me lojtarë me shumë përvojë dhe cilësorë", u shpreh Muçi. Ai theksoi se ekipi u përgatit intensivisht për këtë sfidë, veçanërisht pas largimit të trajnerit të tyre, Fatih Terim. "Kishim nevojë të tregonim një reagim. Morëm shpërblimin tonë për këtë. Ia dedikojmë 3 pikët tifozëve tanë", shtoi ai.