Përndiqte ish-partneren në Itali/ Shqiptarja mbyllet në tualetin e picerisë dhe telefonon policinë, arrestohet ish-i dashuri

Një shtetas shqiptar është vënë në pranga në Mestre, në rrethinat e Venecias, pasi akuzohet se ka përndjekur ish-partneren. Ngjarja kulmoi kur gruaja u detyrua të mbyllej në banjën e një picerie për t'i shpëtuar ndjekjes.

Prej aty, e tronditur rëndë, ajo ka njoftuar policinë. Në telefonatë denoncoi se ish i dashuri po e përndiqte.

Sipas uniformave blu, kërcënimet kishin nisur prej kohësh. Shqiptari i dërgonte vazhdimisht mesazhe dhe e telefononte. Po ashtu ishte përpjekur ta takonte në disa nga ambientet ku ajo shkonte zakonisht.

Presioni i vazhdueshëm i kishte shkaktuar viktimës ankth të fortë. Ajo u detyrua të ndryshonte edhe rutinën e përditshme.

Episodi i fundit ndodhi në picerinë ku ajo ndodhej, kur ish-partneri u shfaq sërish./ANSA