Përleshje masive në Athinë/ 40-vjeçari plagoset me thikë, arrestohet edhe një shqiptar

Konflikti i madh shpërtheu në Athinë të shtunën në mbrëmje, duke përfshirë rreth 15 persona. Ngjarja ndodhi në zoneën e Kypselit, konkretisht në orën 21:00, në ndërthurjen e rrugëve Lefkados dhe Evelpidon.

Motivet e përplasjes ende nuk janë të qarta, sipas hetimeve të policisë greke. Gjatë incidentit, një shtetas indian, 40 vjeç, mbeti i plagosur në stomak dhe kofshë nga një armë e mprehtë.

Ai u transportua menjëherë me ambulancën e EKAB drejt spitalit "Kryqi i Kuq" për trajtimin e plagëve. Ndërkohë, autoritetet arrestuan tri persona të dyshuar.

Në pranga përfunduan dy grekë, 26 dhe 30 vjeç, si edhe një shtetas shqiptar, 36 vjeç. Prokuroria ngriti akuza për lëndim të rrezikshëm trupor në bashkëpunim ndaj tyre.