Përhapet murtaja e bagëtive në Vlorë, sëmundja prek 4 ferma në Selenicë, asgjesohen 700 krerë!

Murtaja e bagëtive shpërthen në Vlorë, 4 ferma të prekura në Selenicë dhe mbi 700 krerë të asgjësuar

Murtaja e Ruminantëve të Vegjël është konstatuar në fshatin Lepenicë të Selenicës. Bëhet fjalë për sëmundjen fatale të njohur si “këmbë-goja”, e cila godet bagëtitë e imëta.

Shenjat e para u vërejtën në fund të gushtit. Në dy javët e para të shtatorit infeksioni u shtri në katër ferma të zonës.

Më shumë se 700 krerë janë asgjësuar deri tani. Blegtorët thonë se po përballen për herë të parë me një situatë të tillë. Shumë prej tyre e ushtrojnë profesionin e çobanit prej një jete.

Ata kanë rrëfyer se si nisi përhapja dhe si u përfshinë brenda pak ditësh disa ferma të fshatit. Sipas tyre, dëmi është i rëndë për ekonominë familjare. Rrëfimet janë raportuar nga ABC News.

Për situatën ka reaguar Drejtoria e Bujqësisë dhe Veterinarisë në Vlorë. Drejtori i saj, Adila Kojdheli, sqaroi se janë ndërmarrë masat e nevojshme për asgjësimin e kafshëve të infektuara. Ai shtoi se gjendja po mbahet nën monitorim të vazhdueshëm.

Ndërkohë, Ministria e Bujqësisë ka parashikuar kompensim për të gjithë fermerët e prekur nga murtaja.