“Patronazhistët e oligarkut në sulm”, Erion Braçe bën deklaratën e fortë: Paratë i vijnë erë drogë!

Erion Braçe sulmon “oligarkun” në politikë: Akuza për shfrytëzim, drogë dhe pasuri fiktive

Deputeti socialist Erion Braçe është rikthyer me një reagim të ashpër në rrjetet sociale. Deklarata vjen pas kritikave që mori për qëndrimin e mbajtur mbi reformën administrativo-territoriale.

Këtë radhë ai ka zgjedhur tone të forta. Në qendër të sulmit vendos një figurë që e përshkruan si oligark brenda politikës shqiptare. Emra nuk përmendi.

Sipas Braçes, pasuria e këtij personi është ndërtuar në tre rrugë. E para lidhet me shfrytëzimin e punonjësve në strukturat e tij. E dyta, sipas tij, vjen nga paratë e trafikut të drogës. E treta ka të bëjë me transaksione fiktive dhe spekulative.

Në nisje të mesazhit, socialisti ndalet te komentet në rrjete. Ai i sheh si të organizuara. Pas tyre, pretendon Braçe, fshihen njerëz të paguar për të goditur këdo që kritikon oligarkun. I quan “patronazhistë” në rrjet dhe në territor.

Pjesa më e rëndë e akuzave lidhet me drogën. Braçe përmend edhe të afërm të personit në fjalë. Sipas tij, ata kanë qenë të përfshirë në veprimtari kriminale në Gjermani, ndërsa në Shqipëri kanë shërbyer si punonjës politikë pranë tij.

Gjithashtu ngre dyshime për skema fiktive shitblerjesh. Bëhet fjalë për fryrje artificiale të vlerave dhe zmadhim të pasurisë përmes tyre.

Në fund deputeti thekson se materialet për këto pretendime i ka dorëzuar prej kohësh në agjencitë shtetërore. Shpreh zhgënjim për mungesën e reagimit. Dhe pyet pse institucionet nuk kanë vepruar.

Reagimi i plotë i Erion Braçes:

PATRONAZISTET E OLIGARKUT NE SULM!

E prisja, ka dy dite qe e ben;

Jo vetem ndaj meje por ndaj cilitdo te gjalli qe komenton ketu.

Shihini;

Jane pa fytyre, pa emra, pa postime, me fare pak ndjekes apo te ndjekur prej tyre. NUK EGZISTOJNE!

Jane robotet e kellires me te madhe qe ka politika sot;

ESHTE OLIGARKU I VETEM NE POLITIKE QE PAGUAN PATRONAZISTE NE TERRITOR E PATRONAZISTE NE RRJET!

Nese ate ne territor i ka bandite te dhunshem, keta ne rrjet i ka eunuke te dukshem;

Jam marre une me keta. Edhe me kete oligarkun jam marre.

Parate qe e bene te tille, OLIGARK, jane ne tre cikle;

Cikli i pare i parave te tij vjen era gjak. Jane mundi e sakrifica e djemve e vajzave te shfrytezuar barbarisht ketu, ne infrastrukturat e tij. Ka fituar pafund ai prej tyre, por te shfrytezuarit nuk marrin as sac marrin mesuesit sot si rroge; ai nuk i paguan asgje ketij vendi, transferon jashte parate e gjakut te te shfrytezuave ketu.

Cikli i dyte i parave te tij, vjen era miell, eshte ai mielli i ndyre qe masakron e vret djem e vajza edhe ketu; jane kusherinj te tij ata qe kane bere drogen ne Gjermani e qe ketu ishin punonjes politik te tij.

Cikli i trete i parave te tij, kane eren e spekullimit, shitje blerje fiktive, fryrje fiktivisht te vlerave, pasuri qe zmadhohet prej tyre.

Ja kam dorezuar heret une letrat e tyre agjencive te kesaj qeverie; ja bejne muuu; nuk e kam kuptuar kurre pse e kane falur. Si thoni? Pse e kane falur?