“Parlamenti të luajë rol të rëndësishëm në procesin e integrimit”- Zbulohen kërkesat e ambasadores së BE-së gjatë takimit me Peleshin

Ambasadorja e Bashkimit Evropian në Shqipëri, Sofia Alvaro, i ka kërkuar kryetarit të Kuvendit, Niko Peleshi, një rol më aktiv dhe vendimtar të institucionit në procesin e integrimit evropian.

Bisedimet e së mërkurës mes diplomatit dhe kreut të Legjislaturës u përqendruan në nevojën e një pune të përbashkët. Ky konsensus u vlerësua si thelbësisht i domosdoshëm për garantimin e unitetit politik, veçanërisht për zbatimin e dy reformave kryesore: asaj Zgjedhore dhe Territoriale.

Takimi me zotin Peleshi ishte i dyti brenda një dite për ambasadoren. Më herët gjatë ditës së djeshme, ajo u takua me Kryeministrin Edi Rama për një bisedë pune.

Kjo ishte hera e parë që zonja Alvaro zhvillonte takim zyrtar me shefin e qeverisë shqiptare. Takimi erdhi pak ditë pasi diplomatja i paraqiti letrat kredenciale Presidentit të Republikës, Bajram Begaj, më datë 2 shtator.