Operacion antidrogë në Janinë, 3 shqiptarët kapen duke trafikuar 36 kg marijuanë!

Policia greke ka arrestuar tre shtetas shqiptarë në Janinë me një sasi të konsiderueshme lënde narkotike.

Sasia e sekuestruar është 36 kilogramë e 250 gramë marijuanë. Ajo u gjet e ndarë në 34 pako.

Aksioni u zhvillua në kufirin e gjelbër mes Sarandës dhe Igumenicës. Efektivët ndoqën një automjet që vinte nga zona e Filatit dhe më pas ndërhynë për ta ndaluar.

Operacioni erdhi pas shfrytëzimit të informacionit në kuadër të luftës kundër trafikimit të drogës drejt Greqisë. Në terren u angazhuan oficerët e Departamentit të Narkotikëve pranë Nëndrejtorisë së Ndjekjes dhe Hetimit të Krimit në Janinë. Ata vepruan në bashkëpunim me Departamentin e 2-të të Rojës Kufitare të Filatit, në Thesproti.

Gjatë verifikimeve u lokalizuan dy mjete. Në të parin udhëtonin dy shtetas shqiptarë, ndërsa pak pas tij vinte automjeti tjetër me shqiptarin e tretë.

Të dyja makinat u ndaluan për kontroll. Gjatë verifikimit të mjetit të dytë u zbulua ngarkesa me kanabis, e cila u sekuestrua menjëherë nga autoritetet.