Nura për dhunën në protestën e sotme: Ka njerëz të trajnuar, kjo duket e organizuar

Artur Nura për dhunën në protestë: Ka njerëz të trajnuar, gjithçka duket e organizuar

Analisti Artur Nura ka komentuar protestën e sotme. I ftuar në studion e “Breaking News” në ABC News, ai e cilësoi dhunën e regjistruar gjatë saj si të strukturuar.

Sipas tij, akte të tilla nuk kanë vend në demokraci. Nura ngriti dyshime se pas tubimit qëndron një organizim i mirëfilltë. Ai foli edhe për praninë e personave të përgatitur posaçërisht për të ushtruar dhunë.

“Dhuna nuk mund të pranohet kurrsesi. Dhuna është e papranueshme në demokraci. Askush nuk beson se kjo protestë nuk ka organizim nga pas.

Pas ka një organizim të caktuar. Aty ka njerëz të trajnuar. Mund të kemi pasur dhe trajnime për t’i realizuar këto gjëra. Kjo duket e organizuar”, deklaroi Nura në “Breaking News”.

Protesta ka arritur në ditën e pestë. Ajo po shoqërohet me përplasje dhe tensione.