“Nuk turpërohem për dashurinë që kam dhënë”- Monika Lubonja reagon për herë të parë për videot intime: S’kisha dijeni se po filmohesha! Të ndalet baltosja

Pas publikimit të pamjeve intime krah kompozitorit Adrian Hila, aktorja Monika Lubonja ka reaguar për herë të parë. Videot nxitën reagime të shumta në opinionin publik.

Ajo zgjodhi rrjetet sociale për të përcjellë mesazhin. Në postim kërkon frenimin e sulmeve ndaj figurës së saj. Sipas aktores, këto sulme po bëhen në emër të të ashtuquajturit "moral kolektiv" dhe po e "baltosin".

Lubonja sqaron se xhirimi ka ndodhur pa dijeninë e saj. Thekson se nuk ka dhënë asnjë miratim për t'u filmuar apo regjistruar. Po ashtu, mohon pëlqimin për shpërndarjen, shitjen apo publikimin e materialeve.

"Nuk kam pasur dijeni, nuk kam dhënë pëlqim të filmohem, të regjistrohem apo që materiale intime të shpërndahen, të shiten ose të publikohen", shkruan Lubonja.

Në mesazh aktorja flet për besimin që kishte tek partneri. Thotë se ka dashur sinqerisht dhe nuk e ndjen veten të turpëruar për dashurinë e dhënë. Por e lëndon fakti se besimi i saj u kthye në mjet sulmi.

"Kam dashur dikë dhe kam besuar. Nuk turpërohem për dashurinë që kam dhënë. Më dhemb që besimi im është kthyer në armë kundër meje", shprehet aktorja.

Situatën e cilëson si shkelje të rëndë personale. Bëhet fjalë për cënim të besimit, privatësisë dhe dinjitetit. Ndërkohë shpreh vendosmëri për të mbrojtur të drejtat e saj.

"Ju drejtohem sot me dhimbjen e një gruaje së cilës i është shkelur besimi dhe privatësia, por edhe me vendosmërinë për të mbrojtur dinjitetin dhe të drejtat e saj", shkruan ajo.