“Nuk e di cili furgon e ka sjellë atë Dumbanë”, Çelmeta shpërthen ndaj trajnerit të Partizanit: Nuk ka lidhje me trajningun

Çelmeta sulmon trajnerin e Partizanit pas derbit: "Nuk ka lidhje me trajningun"

Roland Çelmeta ka reaguar ashpër pas humbjes së Partizanit në derbi. I ftuar në panelin e emisionit "Mega Sport" në A2CNN, ai i ka drejtuar kritikat drejtpërdrejt te trajneri i të kuqve.

I njohur si mbështetës i zjarrtë i "demave të kuq", Çelmeta nuk e ka fshehur pakënaqësinë ndaj Bratusës. Sipas tij, tekniku i skuadrës kryeqytetase po eksperimenton pa ndërprerje dhe nuk po merr vendimet e duhura.

Kritikat ishin të forta. Ai tha se e ka ndjekur me vëmendje punën e trajnerit javë pas jave.

Gjatë ndërhyrjes në studio, Çelmeta u shpreh se qasja e Bratusës është larg kërkesave të profesionit. Ai kujtoi deklaratat e vetë trajnerit për eksperimente dhe theksoi se kjo u pa sërish në derbi.

Sipas tij, lënia jashtë e lojtarëve cilësorë ishte gabim. Në derb duhen futbollistë që e mbajnë peshën e ndeshjes, shtoi ai.

Në fjalën e tij, Çelmeta u ndal te zgjedhjet dhe zëvendësimet:

"Shikoj një trajner që nuk ka lidhje me trajningun. E kam ndjekur gjatë të gjitha javëve. Shprehet dhe thotë që po bën eksperiment. Dhe ai sot eksperimentoi prapë. Eksperimentoi duke lënë jashtë lojtarët cilësorë. Duhet të jenë lojtarë që e mbajnë peshën e dërbit. Të lësh lojtarë si Murataj, Sidibenë, apo në ndërrimet e tij që nuk e di… Më falni për zhargonin, por nuk e di cili furgon e ka sjellë atë Dumbanë aty. Nuk mund të themi që gjithë ky klub i madh akoma me Bintsukanë", ka thënë Roland Çelmeta.