“Nuk do ta harrojmë kurrë”, Trump përkujton viktimat e 11 Shtatorit -

Presidenti Donald Trump ka marrë pjesë në manifestimet përkujtimore të 25-vjetorit të sulmeve të 11 shtatorit në Pentagon. Së bashku me bashkëshorten Melania, ai ka dëgjuar leximin e emrave të 184 personave që humbën jetën në atë ndërtesë atë ditë. Ceremonia filloi me këtë lexim emrash.

Më herët gjatë ditës, Sekretari i Mbrojtjes Pete Hegseth dhe disa oficerë të lartë ushtarakë ishin jashtë objektit. Ata shikuan teksa shpalosej një flamur i madh amerikan në anën e ndërtesës, e cila ishte goditur nga avioni në sulmet e atë ditë.

Në fjalën e tij, Trump u shpreh: "Sot, ne rinovojmë betimin e shenjtë që bëmë për herë të parë në emrin e tyre 25 vjet më parë. Ne nuk do ta harrojmë kurrë. Pikërisht për këtë po luftojmë sot. Ne nuk kemi zgjidhje tjetër".

Kjo është hera e dytë radhazi që presidenti nderon viktimat në Pentagon në ditën e përvjetorit. Vitin e kaluar, Trump ishte i pranishëm në ceremoninë kryesore në Ground Zero në New York.