“Njerëzit po më kërkojnë vetëm gola, gola, gola… por nuk jam sulmues”, Asllani: Më pëlqen si luajmë me trajnerin e ri

Shqipëria mbaron nesër fazën e grupeve të Ligës së Kombeve kundër Bjellorusisë. Ndeshja do të luhet në Budapest, fillim nga ora 18:00. Kristjan Asllani u paraqit në konferencën për shtyp përkrahë trajnerit dhe u përgjigj gazetarëve.

"Pas dy golave me San Marinon, njerëzit kërkojnë vetëm gola, gola, gola… Por unë nuk jam sulmues", tha mesfushori. Shtoi se skuadra po guxon shumë dhe trajneri kërkon agresivitet të madh, diçka që po zbatohet mirë në fushë. Në dy miqësoret e para nuk e kuptuan mirë metodën e ri, por tani situata ka ndryshuar plotësisht. "Edhe ai na ka kuptuar shumë mirë. Po ecim bashkë në këtë rrugëtim. Më pëlqen shumë kjo forma se si po luajmë tani", përfundoi Asllani.