“Një erë ndryshe po fryn përtej Atlantikut”, Merz konfirmon krizën tregtare SHBA-Gjermani

Kancelari gjerman, Friedrich Merz, ka vënë në dukje se po shihet një ndryshim i madh në dinamikat ekonomike ndërkombëtare. Sipas tij, politika e re e tarifave të SHBA-së ka lëkundur ndjeshëm themelet e bashkëpunimit dhe të shkëmbimeve tregtare botërore.

“Nga ana tjetër e Atlantikut tashmë fryn një erë e re”, u shpreh Merz, duke iu referuar drejtpërdrejt kursit të ri të Uashingtonit në politikën tregtare.

Kryeministri gjerman nënvizoi se praktika e vendosjes së tarifave të reja nga pala amerikane ka pasur një ndikim të drejtpërdrejtë në tkurrjen e bashkëpunimit ndërmjet shteteve.

“Gjithnjë e më pak udhëheqës në botë besojnë ende se ekonomia e hapur dhe tregtia pa barriera janë fitimprurëse për të gjithë”, theksoi ai.

“Në vend të kësaj, shohim një rritje të mendësisë së lojërave me shumën zero, ku fitimi shihet vetëm nga dëmtimi i të tjerëve apo përmes shantazhit”, shtoi Merz.

Këto komente të kancelarit mbërrijnë në një periudhë kur masat e reja tarifore të SHBA-së kanë nxitur shqetësime të mëdha për stabilitetin e tregtisë së lirë globale dhe për ekuilibrat ekonomikë ndërmjet fuqive kryesore.

Vetë Friedrich Merz ka qenë një mbrojtës i përhershëm i tregtisë së lirë dhe i bashkëpunimit ndërkombëtar. Ai beson se ekonomia e globalizuar dhe e ndërlidhur ofron mundësi për rritje të përbashkët.