Një çerek shekulli nga “11 Shtatori”, Presidenti Begaj përkujton sulmet që tronditën globin: Amerika i tregoi botës se nuk mposhtet nga asgjë

Një çerek shekulli kaloi prej sulmeve terroriste të 11 shtatorit 2001 në Shtetet e Bashkuara të Amerikës. Me këtë rast, Presidenti Bajram Begaj iu ka drejtuar opinionit për të përkujtuar tragjedinë që tronditi botën.

Përmes një postimi në rrjetet sociale, kreu i shtetit nderoi 2,977 viktimat që humbën jetën në atë sulm të egër. Ai shprehu ngushëllimet e tij më të sinqerta dhe solidaritetin e plotë me familjet e të afërmit që humbën të dashurit e tyre.

“Njëzet e pesë vjet më vonë, për Amerikën, për ne dhe për aleatët tanë me të cilët ndajmë vlerat e përbashkëta, data 11 shtator mbetet një kujtesë e fortë kolektive. Ajo ka ndryshuar rrënjësisht jetët tona, duke na treguar se sa të tmerrshme janë pasojat e ideologjive të urrejtjes”, shkroi ndër të tjera Presidenti Begaj.

Në vijim, ai theksoi rezistencën amerikane. “Gjatë këtyre viteve, Shtetet e Bashkuara, si komb i madh dhe i fortë, dëshmuan për gjithë botën se nuk mund të mposhten nga asgjë.”, u shpreh ai.

Në fund të reagimit, Presidenti Begaj ripërsëriti edhe njëherë qëndrimin e Shqipërisë. Shteti shqipëtar mbetet e angazhuar për forcimin e bashkëpunimit ndërkombëtar. Qëllimi është ndërtimi i një bote më të sigurt dhe më të paqësore për brezat që do të vijnë.