Nisma ‘Besa’/ Deputeti i PS takim me banorët e Gjirokastrës, të moshuarit kërkojnë zgjidhje për problematikat

Deputeti Piro Dhima, në kuadër të iniciativës "Besa", u takua me një grup banorësh të Gjirokastrës. Anëtarë të komunitetit, shumica prej tyre të moshuar, iu drejtuan zyrave të Partisë Socialiste për të shprehur probleme të ndryshme.

Sipas të pranishmëve, çështjet nuk ishin vetëm personale. Ata ngritën çështje që sipas tyre prekin një numër të madh banorësh të qytetit.

Ankesat u përqendruan në mungesën e shërbimeve dhe vështirësitë e përditshme. Takimi u kthye kështu në një mundësi për të adresuar pakënaqësitë ndaj Bashkisë së Gjirokastrës.

Të moshuarit bën thirrje që shqetësimet e tyre të mos mbesin vetëm në fjalë. Ata kërkuan zgjidhje konkrete nga institucionet përgjegjëse, sipas Televizionit Channel One.

Ky takim ndodh në një periudhë kur nervozizmi në Gjirokastër rreth cilësisë së shërbimeve publike vijon të jetë i lartë. Komuniteti kërkon që vëmendja ndaj problemeve të tyre të mos jetë e përkohshme, por të rezultojë në veprime të menjëhershme.