Neymar i dedikon ‘homazh’ Messit në ditën e largimit nga kombëtarja: Jo vetëm Argjentina, e gjithë bota të është mirënjohëse!

Në ditën e lamtumirës së Lionel Messit nga kombëtarja argjentinase, Neymar Jr i kushtoi një dedikim special. Momenti nuk kaloi pa vëmendjen e brazilianit.

Ylli nga Brazili, i cili ka ndarë shumë momente të jashtëzakonshme përkrah kapitenit të Albiceleste te Barcelona dhe më pas te Paris Saint-Germain, zgjodhi rrjetet sociale për mesazhin e tij. Ai iu drejtua me fjalë emocionuese 8 herë fituesit të Topit të Artë.

Në Instagram, Neymar shkroi: "Nuk është vetëm Argjentina ajo që të falënderon, por e gjithë bota të është mirënjohëse për atë çfarë ke bërë për futbollin".

Më tej ai shtoi: "Kush e do futbollin të ka vlerësuan në të gjithë këto vite. Sot është ndeshja jote e fundit me fanellën e kombëtares tënde, të vendit tonë dhe shpresoj që të shijosh çdo sekondë, që të gjitha homazhet të të bëjnë të lumtur. Faleminderit që më bëre të dua akoma më shumë futbollin; ishte një nder të kem luajtur kundër teje dhe akoma më shumë të kem shkruar historinë përkrah teje".