“Nesër te Parlamenti”- Dita e 109-të e protestës, dënohet vendimi i Hagës: Është një padrejtësi bazuar në dëshmi të rreme!

Protestat në Shqipëri kanë hyrë në ditën e 109-të të tyre, duke vazhduar me një ritëm të pandryshuar qytetarësh të pakënaqur.

Sikurse çdo herë tjetër, tubimi filloi në sheshin "Skënderbej", nga ku demonstruesit u nisën për të marshuar përgjatë Bulevardit "Dëshmorët e Kombit". Vendndodhja e zakonshme e fjalimeve mbetet para godinës së Kryeministrisë.

Organizatorët bënë me dije se aktiviteti do të shtrihet dhe në ambientet e Kuvendit të Shqipërisë. Kjo pasi ditën e enjte është parashikuar seanca plenare e deputetëve.

"Do të jemi të gjithë të enjten në orën 10:00 te Parlamenti", u shpreh njëri nga pjesëmarrësit në tubim.

Temë kryesore e fjalimeve të sotme ishin edhe dënimet e shpallura nga Gjykata Speciale në Hagë për ish-udhëheqësit e Ushtrisë Çlirimtare të Kosovës. Protestuesit i cilësuan si të tilla një padrejtësi të madhe.

"Ne jemi kundër këtyre vendimeve. Nuk ka drejtësi kur baza janë dëshmi të falsifikuara. Kjo gjykatë nuk ka asnjë lidhje me parimet e drejtësisë ndërkombëtare. Është një shfaqje e kuruar mirë, jo proces i vërtetë", tha një tjetër protestues.

Sipas tij, të akuzuarit nuk u pajisën me mbrojtjen ligjore që u takonte. "Kjo nuk është gjë tjetër veçse një padrejtësi e organizuar dhe e porositur politikisht", përfundoi ai.